രാജ്യത്ത് കൊറോണ വൈറസ് പടരുന്ന സാഹചര്യത്തിൽ ഇന്ന് രാത്രി പ്രധാനമന്ത്രി വീണ്ടും രാജ്യത്തെ അഭിസംബോധന ചെയ്യും. കോവിഡ് വ്യാപനത്തിന്‍റെ പശ്ചാത്തലത്തിലാണ് അഭിസംബോധനയെന്നു പ്രധാനമന്ത്രി ട്വീറ്റ് ചെയ്തിരുന്നു. രാത്രി എട്ടു മണിയോടെയാണ് പ്രധാനമന്ത്രി രാജ്യത്തെ അഭിസംബോധന ചെയ്യുക. കൊറോണ വിഷയത്തില്‍ രണ്ടാം തവണയാണിത്.
ആദ്യം അഭിസംബോധന ചെയ്‌തത്‌ കഴിഞ്ഞ വ്യാഴാഴ്ച്ചയായിരുന്നു. അന്നാണ് പ്രധാനമന്ത്രി ഞായറാഴ്ച ജനതാ കര്‍ഫ്യൂ ആചരിക്കാന്‍ ആവശ്യപ്പെട്ടത്.
ഇതിനുശേഷം രാജ്യത്തെ മിക്ക സംസ്ഥാനങ്ങളും അടച്ചിരിക്കുകയാണ്. പഞ്ചാബ് ഉള്‍പ്പെടെയുള്ള സംസ്ഥാനങ്ങള്‍ കര്‍ഫ്യൂ പ്രഖ്യാപിച്ചു. കേരളത്തിലും ലോക്ഡൗണ്‍ പ്രഖ്യാപിച്ചിട്ടുണ്ട്. നിലവില്‍ രാജ്യത്ത് കോവിഡ് ബാധിച്ചവരുടെ എണ്ണം 500ലേക്ക് കടക്കുകയാണ്, അതിനാൽ തന്നെ ഈ സാഹചര്യത്തിൽ മോദിയുടെ വാക്കുകള്‍ക്കായി ഉറ്റുനോക്കുകയാണ് രാജ്യം.
കോവിഡ് വ്യാപനം തടയുന്നതിന് കൂടുതല്‍ നിര്‍ദേശങ്ങള്‍ ഇന്ന് അദ്ദേഹം മുന്നോട്ടുവെയ്ക്കുമെന്നാണ് റിപ്പോര്‍ട്ടുകള്‍. ഇതിനോടകം തന്നെ രാജ്യത്തെ മിക്ക സംസ്ഥാനങ്ങളും കേന്ദ്ര ഭരണപ്രദേശങ്ങളും അടച്ചുപൂട്ടിയിട്ടുണ്ട്.
Photo Courtesy : Google/ images are subject to copyright
Leave a Reply