വ്യത്യസ്ത കഥാപാത്രങ്ങള്‍ അവതരിപ്പിച്ച് മലയാളം, തമിഴ് പ്രേക്ഷകര്‍ക്ക് സുപരിചിതയായ അമലാപോള്‍ മിക്കപ്പോഴും വിവാദങ്ങളുടെ തോഴി കൂടിയാണ്. വാഹന രജിസ്‌ട്രേഷന്റെ മറവില്‍ നികുതി വെട്ടിച്ചെന്ന ആരോപണത്തില്‍ മറുപടിയുമായി രംഗത്തു വന്നിരിക്കുകയാണ് താരമിപ്പോള്‍. താന്‍ ഇനി വള്ളത്തില്‍ പോയിക്കൊള്ളാമെന്നാണ് അമലാ പോളിന്റെ മറുപടി.
വള്ളത്തിലുള്ള യാത്രയാണ് താന്‍ ഇപ്പോള്‍ തിരഞ്ഞെടുക്കുന്നതെന്നും അതിനാല്‍ വിവാദങ്ങളൊന്നും ഉണ്ടാകില്ലെന്നാണ് താരത്തിന്റെ അഭിപ്രായം. ഫേസ്ബുക്കിലൂടെയാണ് അമലാ പോള്‍ ഇക്കാര്യം പങ്കുവെച്ചത്. കുടയും പിടിച്ച് വളര്‍ത്തു നായക്കൊപ്പം വള്ളത്തില്‍ പോകുന്ന ചിത്രവും അമല പോസ്റ്റ് ചെയ്തു.
‘ നഗര ജീവിതത്തിന്റെ ഭ്രാന്തതയിലും അനാവശ്യ ഊഹാപോഹങ്ങളില്‍ നിന്നും ഓടി ഒളിക്കണമെന്ന് ചില സമയങ്ങളില്‍ തോന്നാറുണ്ട്. അതിനാല്‍ ഇപ്പോള്‍ ഞാന്‍ ബോട്ട് യാത്രയാണ് തിരഞ്ഞെടുക്കാറുള്ളത്. ഒന്നുമില്ലെങ്കിലും നിയമം ലംഘിച്ചെന്ന് ആരോപണം ഉയരില്ലല്ലോ. ഇക്കാര്യം ഞാന്‍ എന്റെ ‘അഭ്യുദയകാംക്ഷികളുമായി ‘ രണ്ടു തവണ ആലോചിക്കേണ്ടതുണ്ടോ? ‘ അമല ഫേസ്ബുക്കില്‍ കുറിച്ചു.
Photo Courtesy : Google/ images are subject to copyright
Leave a Reply