സി.പി.എം തിരുവനന്തപുരം ജില്ല കമ്മിറ്റി ഓഫിസിൽ റെയ്ഡ് നടത്തിയ എസ്.പി.ചൈത്ര തെരേസ ജോണിനെ അനുകൂലിച്ച് അന്വേഷണ റിപ്പോര്‍ട്ട്. എസ്.പി.ചൈത്ര തെരേസ ജോൺ സിപിഎം ഓഫീസില്‍ കുഴപ്പങ്ങളുണ്ടാക്കാന്‍ ശ്രമിച്ചിട്ടില്ല. അന്വേഷണ ഉദ്യോഗസ്ഥന്‍ പരിശോധനാസമയത്ത് ഒപ്പമുണ്ടായിരുന്നുവെന്നും റിപ്പോർട്ടിൽ പറയുന്നു. എഡിജിപി മനോജ് എബ്രഹാം അന്വേഷണ റിപ്പോര്‍ട്ട് ഡിജിപിക്ക് കൈമാറി. സി.പി.എം ജില്ലാ നേതൃത്വം നല്‍കിയ പരാതിയിലാണ് ചൈത്ര തെരേസ ജോണിനെതിരായ അന്വേഷണം നടന്നത്.
കമ്മിറ്റി ഓഫിസിൽ നടന്ന റെയ്ഡ്മായി ബന്ധപ്പെട്ട ഈ വിഷയം പ്രതിപക്ഷ നേതാവ് രമേശ് ചെന്നിത്തല നിയമ സഭയില്‍ അവതരിപ്പിച്ചിരുന്നു. റെയ്ഡ് നിയമപരമാണെന്നും എസ്.പി.യ്‌ക്കെതിരെ നടപടി എടുത്താല്‍ പോലീസ് സേനയുടെ ആത്മവീര്യം കുറയുകയും ചെയ്യുമെന്ന് അദ്ദേഹം പറഞ്ഞു.
ഈ വാദം മുഖ്യമന്ത്രി പൂര്‍ണ്ണമായും നിഷേധിച്ചാണ് സംസാരിച്ചത്.രാഷ്ട്രീയ പാര്‍ട്ടികളുടെ ഓഫീസ് സാധാരണ പരിശോധിക്കാറില്ലെന്നും അന്വേഷണവുമായി സഹകരിക്കാറുണ്ടെന്നും മുഖ്യമന്ത്രി പറഞ്ഞു. രാഷ്ട്രീയപാര്‍ട്ടികള്‍ക്ക് സ്വതന്ത്രമായ പ്രവര്‍ത്തനം നടത്താനുള്ള സ്വാതന്ത്ര്യമുണ്ട്‌. അതുപോലുള്ള സ്ഥാപനങ്ങളെ സംരക്ഷിക്കുകയാണ് പോലീസ് ചെയ്യേണ്ടതെന്നും അദ്ദേഹം പറഞ്ഞു.
Photo Courtesy : Google/ images are subject to copyright
Leave a Reply